ශ්‍රී ලංකා කණ්ඩායමේ අග්‍රගණයේ පිතිකරුවෙකු වන කුමාර් සංගක්කාර අද සිය ක්‍රිකට් ජීවිතයේ තවත් කඩඉමක් පසු කරනු ලැබුවා. ඒ එක්දින ක්‍රිකට් දිවියේ මුළු ලකුණු සංඛ්‍යාෙවන් තෙවන ස්ථානයට පත්වීමයි.
සංගා අද දිනයේ ලබාගත් ලකුණු 76ත් සමගයි ඔහු මෙලෙස තෙවන ස්ථානයට පත්ව තිබෙන්නේ. සංගා මේ වන විට එක්දින ක්‍රිකට් දිවියේ රැස්කරගෙන ඇති මුළු ලකුණු සංඛ්‍යාව 13490ක්. එක්දින ක්‍රිකට් දිවියේ වැඩිම මුළු ලකුණු සංඛ්‍යාවක් වාර්තා කරමින් එහි ප්‍රථම ස්ථානයට පත්ව සිටින්නේ හිටපු ඉන්දීය සුපිරි ක්‍රිකට් ක්‍රීඩක සචින් ටෙන්ඩුල්කාර්. ඔහු රැස්කරගෙන ඇති මුළු ලකුණු සංඛ්‍යාව 18426ක් ඒ තරග 463කට මුහුණදෙමින්.
මෙහි දෙවන ස්ථානයේ පසුවන්නේ හිටපු ඕස්ට්‍රේලියානු ක්‍රීඩක රිකී පොන්ටින්. පොන්ටින් තරග 375කට සහභාගි වී රැස්කර ගෙන ඇති මුළු ලකුණු සංඛ්‍යාව 13704ක්.
No comments:
Post a Comment